Sjekkliste for skribentar

Korleis skriva klårt? Hjelp til sjølvhjelp

Her finn du ei liste med kontrollspørsmål som kan vera til hjelp for deg når du skriv. Under dei fleste kontrollspørsmåla ligg lenkjer til utfyllande kommentarar og døme.

 Målgruppe og føremål

• Kven skriv du for? Fagfolk, kollegaer eller «alle andre»?
• Kva slags bodskap skal du formidle?
• Kva vil du at mottakaren skal vite eller gjere etter å ha lese teksten din?

 
Innhald

• Ta med det som er relevant, og stryk det som mottakaren ikkje treng å vite.
• Kom raskt til saka. Skriv det viktigaste først.
• Skriv kort. Då sparar du plass, og mottakaren sparar tid.

 
Avsnitt

• Lag ein tydelig struktur og del teksten inn i avsnitt.
• Lag overskrifter som er i samsvar med innhaldet i avsnitta.
• Pass på at setningane i kvart avsnitt heng saman.

 
Setningar

• Ver varsam med bruken av passiv. Fortel kven som gjer kva!
• Unngå substantiv­tunge setningar.
• Ver varsam med ved + substantiv.
• Unngå kompliserte setningar med mange innskot.
• Del opp lange setningar.
• Pass på at setningsledd som høyrer saman, står nær kvarandre.
• Dersom du brukar tilvisingsord som den, denne, det, dette, dei, desse, må du gjere det klårt for mottakaren kva eller kven du viser til.

 
Ord

• Spar på orda.
• Unngå «stabling» av hjelpeverb.
• Bruk heller stutte ord enn lange.
• Forklar ord som du ikkje kan rekne med at mottakaren kjenner, eller lag ei ordliste som er lett å finne fram til.
• Unngå vage og upresise ord.

 
Teiknsetjing og rettskriving

• Pass på teiknsetjinga. Eit teikn frå eller til kan endre meininga.
• Ikkje stol på stavekontrollen. Les korrektur eller be ein kollega om å gjere det.
• Bruk ordbøker!