Døme
I Troms og Finnmark var det i løpet av det 18. og 19. hundreåret stor innvandring frå Finland. Desse utgjorde 13 % av befolkninga i Finnmark i slutten av hundreåret.
Kommentar til døme
Den første setninga har ikkje noko ord som desse i den andre setninga kan peike tilbake på. Ordet innvandrar må inn i den første setninga for at dei to setningane skal hange saman.
Forslag til omformulering
På 1700- og 1800-talet kom det mange innvandrarar frå Finland til Troms og Finnmark. Dei utgjorde 13 % av befolkninga i Finnmark på slutten av 1800-talet.
Døme
Etter at han hadde stått slik i ca. 2 minutt, avfyrte tiltalte eit skot mot bringa på bjørnen medan han stod på to vendt mot han, for å ta livet av han.
Kommentar til døme
Kven står, og kven står kven etter livet?
Forslag til omformulering
Den tiltalte(?) stod slik i ca. to minutt. Så skaut han mot hjartet til bjørnen, som stod på to vendt mot han.