Der det er brukt skråstrek for å skilje mellom nynorsk og bokmål, kjem nynorskforma først, til dømes:
Keltarsjøen/Keltersjøen havområdet mellom Irland og Cornwall i England
Italia stat i Europa; italienar/italiener, italiensk
Parentes om ein eller fleire bokstavar markerer valfridom. Oppføringa
Luxemb(o)urg vil seie at det kan skrivast anten Luxemburg eller Luxembourg.
Oppslagsord i parentes er utafor gjeldande rettskriving. Det blir vist til fastsett skrivemåte, til dømes: (Abessinia) sjå Etiopia.
Generelt elles
Når det kjem nye namn og namneformer i samband med politiske vedtak og omveltningar i eit land, rår Språkrådet til at:
a ein held seg til dei tradisjonelle kjende norske namneformene (der slike finst) inntil det eventuelt blir fastsett nye former
b der det ikkje finst fastsette/kjende norske namneformer frå før, bruker ein dei aktuelle namna med skrivemåtar som er i samsvar med etablerte retningslinjer. Der det ikkje finst retningslinjer, held en seg til det vedkommande stat sjølv vil ha, eventuelt til ein dominerande praksis i aktuelt nyhendestoff
c der det kjem overgang til det latinske alfabetet frå eit anna skriftsystem, retter ein seg etter punkta a og b ovafor.